-
Mánudaga - föstudaga 08:00 - 16:00
-
Staðsetning: Smiðjuvegur 5, 200 Kópavogur
-
Sími: 420 4010
Lakk á sjónflot – Alfix Top Coat Design
Price range: 19.490 kr. through 59.990 kr.
Einsþátta, vatnsborið og mjög matt lakk á sjónflot. Lokar yfirborðinu svo það verður auðveldara í þrifum, án þess að breyta útliti flotsins.
- Innanhúss, í þurrum rýmum
- 3 umferðir, alls um 0,35 l/m²
- Minnst 3 klst. milli umferða, gangfært eftir sólarhring
- Leysiefnalaust, áhöld hreinsuð með vatni
Þú gætir einnig þurft
Alfix TopCoat Design – matt lakk á sjónflot
TopCoat Design er einsþátta, vatnsborið lakk úr akrýl- og pólýúretandreifu. Það er borið á sementsbundið flot sem á að standa sem gólfefni, svokallað sjónflot. Lakkið er nánast glært og mjög matt, svo flotið heldur útliti sínu, en yfirborðið verður þéttara og auðveldara að þrífa.
Lakkið er ætlað innanhúss í þurrum rýmum og fyrir álag eins og á heimilum. Þar sem álagið er meira, til dæmis í verslunum, þarf að reikna með tíðara viðhaldi.
Vinnsla
- Undirlagið þarf að vera fast, þurrt og laust við ryk og sementsslæðu. Raki í undirlagi má mest vera 85 % RH. Flotið er ekki pússað með filtpúða áður en lakkað er.
- Á sogandi undirlag er fyrst borinn PlaneMix Primer, þynntur 1:6.
- Brúsinn er hristur vel. Þegar grunnurinn er alveg þurr er fyrsta umferð borin á með málningarrúllu (8–10 mm hár) í jöfnu lagi, án polla.
- Önnur umferð kemur eftir minnst 3 klst. við 20 °C. Þriðja umferðin er valfrjáls og gefur þéttara yfirborð.
- Ekki er gengið á gólfið fyrr en sólarhring eftir síðustu umferð.
Hiti í lofti, gólfi og efni á að vera 15–25 °C. Áhöld eru hreinsuð með vatni áður en efnið þornar.
Efnisþörf
0,10–0,15 l/m² í umferð, alls um 0,35 l/m² í þremur umferðum. 10 lítrar duga því á um 28 m² með þremur umferðum.
Umhirða
Alfix mælir með að þvo gólfið tvisvar með Alfix Floor Care, í fyrsta lagi degi eftir lökkun og með minnst klukkustund á milli. Þvotturinn fyllir svitaholur og styrkir yfirborðið. Hlífðarmottur undir skrifborðsstóla, filttappar undir húsgögn og mottur við innganga lengja endinguna. Það sem hellist niður er þurrkað upp áður en það þornar.
Meira um flot og frágang á síðunni um flotun gólfa.
Tæknigögn
| Gerð | Einsþátta, vatnsborin akrýl- og pólýúretandreifa |
| Áferð | Mjög matt, glært (gljái 0,5 / 2,4 / 1,9 við 20° / 60° / 85°) |
| Efnisþörf | 0,10–0,15 l/m² í umferð, um 0,35 l/m² í 3 umferðum |
| Bið milli umferða | Minnst 3 klst. við 20 °C |
| Gangfært | Eftir 1 sólarhring við 20 °C |
| Vinnsluhiti | 15–25 °C |
| Hámarksraki í undirlagi | 85 % RH |
| Geymsla | Minnst 12 mánuðir óopnað, við 5–30 °C |
| Vottun | EMICODE (GEV) |
