-
Mánudaga - föstudaga 08:00 - 16:00
-
Staðsetning: Smiðjuvegur 5, 200 Kópavogur
-
Sími: 420 4010
Sprungufylliefni fyrir ílagnir, PU – Velosit GH 311
8.235 kr.
Hraðharðnandi tveggja þátta kvoða á silíkatgrunni til að loka og kraftbinda sprungur og samskeyti í ílögnum. Hentar einnig til að líma viðgerðarvinkla og lista.
- Gangfært eftir um 1 klst., yfirvinnanlegt eftir 2–3 klst.
- Hentar á ílagnir með gólfhita (mest 35 °C framrás)
- Leysiefna- og sílikonlaust, EMICODE EC1 Plus
- 600 ml sett (2 × 300 ml), blandað í flöskunni
Þú gætir einnig þurft
Dúkaflot, 1–12 mm – Velosit SL 525
4.240 kr.
+ Bæta við
Velosit GH 311
GH 311 er tveggja þátta, leysiefnalaus kvoða á silíkatgrunni. Hún er notuð til að loka sprungum og samskeytum í ílögnum þannig að ílögnin vinni aftur sem ein heild, áður en gólfefni er lagt. Kvoðan er einnig notuð til að líma viðgerðarvinkla og lista, og þar sem vinna þarf yfirborðið aftur fljótlega. Hún hentar á ílagnir með gólfhita, þar sem framrásarhiti er mest 35 °C.
Undirbúningur
Raki í sementsílögn má mest vera 4 % (CM) og 0,5 % í anhýdrítílögn. Undirlagið þarf að vera þurrt, hreint og burðarhæft. Sprungan er skorin upp með slípirokk niður í um 2/3 af þykkt ílagnarinnar. Á um 30 cm fresti eru gerðir um 10 cm langir þverskurðir, jafndjúpir. Sprungan og skurðirnir eru ryksogin vandlega og bylgjutengi lögð í þverskurðina.
Vinnsla
Herðinum (A-þætti) er hellt í flösku kvoðunnar (B-þáttar), lokað og hrist kröftuglega í um 15 sekúndur þar til blandan er jöfn og rákalaus. Endinn á stútnum er klipptur eftir breidd sprungunnar og kvoðunni hellt strax í sprunguna þar til hún mettast. Kvoðan fer að þykkna eftir 6–8 mínútur við 20 °C. Yfirborðið er strokið slétt og eldþurrkuðum kvartssandi stráð yfir þar til hann mettast. Þegar kvoðan hefur harðnað er umframsandur ryksoginn.
Efni, loft og gólf þurfa að vera 10–30 °C á meðan unnið er og kvoðan harðnar, og hiti undirlags minnst 3 °C yfir daggarmarki. Rakastig má mest vera 80 %. Ein blanda gefur um 600 ml, en notkun fer eftir breidd og dýpt sprungnanna.
Tæknigögn
- Blöndunarhlutfall: 1 : 1 að rúmmáli
- Rennur í allt að 12 mínútur við 23 °C
- Gangfært: eftir um 1 klst.
- Yfirvinnanlegt: eftir 2–3 klst.
- Litur: gegnsær brúnn. Getur gulnað í sólarljósi án þess að eiginleikar breytist
- Þolir vatn, sjó, skólp, basa, þynntar sýrur, saltlausnir, olíur og eldsneyti þegar hún hefur harðnað að fullu
Samkvæmt framleiðanda eru 5 sett í kassa ásamt bylgjutengjum.
Nánari upplýsingar eru í tækniblaði og öryggisblöðum framleiðanda undir Vöruskjöl.
